Demo

     Sababaraha waktu katukang di ibu kota nagara alias Jakarta rame kunu daremo ngamasalahkeun BBM. Daremo ka DPR, enya ka Dewan Perwakilan Rakyat, nepi kaayeuna aki mah sok bingung teu apal naon ari BBM, lain ari BBM teh Bisul Bucat Muncrat atawa Bubuk Bako Mole karesep aki.. Tapi ari ceuk Abah Kecos mah BBM teh cenah Bibir Bunda Menawan, enya kitu menawan.. Pek we ah kuma maraneh rek bisul bucat muncrat rek bubuk bako mole atawa rek bibir bunda menawan ge.. Da Aki mah bodo majarkeun teh Aki kuper ceuk barudak ayeuna mah... Naon deui ari kuper teh nya, lain kurang percintaan, rek kitu pantes da aki mah geus kontrong-kontrong... Tah.. Cikeneh kamari ieu kira-kira 200 taun katukang sarua Bah kecos ge sarua rek nurutan demo siga di Jakarta ka DPR, cenah ceuk beja harita Bah Kecos geus ngumpulkeunwadia balad-baladna kayaning sapi, munding, kuda, tunila, ka tuma-tuma dikumpulkeun, sasatoan dikumpulkeun ku Bah Kecos, malah ngondang monyet jeung lutung ti leuweung sancang, tapi Bah Kecos demona ka DPR lain Dewan Perwakilan Rakyat tapi DPR na Dadang Poek Radio, naon cenah alesan nana mang DPR alias Dadang Poek Radio rek didemo ku Abah Kecos.. Cenah ceuk percenahan mah Abah Kecos teh keuheul jeung hanjelu, lantaran Abah cenah menta diputerkeun kawih punclut kalah diputerkeun kawih ragaji beusi.. Kabeneran maksud Abah Kecos kararat ku Mang Uyan ngabejaan mang DPR alias Dadang Poek Radio supaya buru-buru diputerkeun ku mang DPR.. Enya pisan barang lagu punclut disetelkeun, Abah Kecos giak atoh bari nyakakak ngabarakatak kerek.. Sing horeng kituna teh Abah Kecos ngimpi geuningan... @AkiKokoro